Nkaanku ni mbeele musongi !

Ba mbuta ba ta ki ngana: "Mbeele musongi bu yi zimbakana, mbuka ni mbuka kua ba tombela yo". Mbeele yo ni nkaanku. Nkaanku ni kisalulu kio ki mu hana lenda dia sadila salu kiandi. Mbo ka tenda ma ba, mu baka ntsaamba, mbo ka sadila nkaaku, mu zeenga kiazi kia ngazi. Nkaanku ni ngaangu za musongi !
  Ngana yi yeti ku tu luengesa ti, tala diambu die naku, fueti toma yindula. Mayindu ni ntombolo nzila mu yidika msamu wu fuanane. Yindula kue nkiana baluzula kua kima, na te bu zaba suasakasa kima kio, ngaana bue kiena ? Bo bueneti ndukulu diambu tu taama saka pele ko tomba tueti toomba mu bakula, ni sungamana tu kue sungamane, ngatu mbuka tu bakila mutsamina wu tu tsaminika ! Ka, tsatsakana ka ku vulu andi yoka, buuna ntamana weka nkiana kasa: "kasa kiteto kia yoka buidi ku boombi dia tiya" ! Dia ngana, mbeele musongi bu yi zimbakana, mbuka ni mbuka kua ba tombela yo, ka bu toomba mbeele aku, fueni toma zungidila bitini bi yi lenda ba; tala kaani, ntamana wele ku ki tuba mu banda die ntsiokila. Wa tomba zaba tomba, wa dinga zaba dingalala ! Mbanzulu za laki dia lolo ni wo zi sukini. Tuendeno yindudi, ngatu tue bakudi !                         THAUKO.COM - Kimuuntu kua !