NGUBA kisantsi kia zingu !

 Ndimbutulu ya mantsuka ma zingu, mu laki dia lolo di tuele tudisa maama Benazo, kuna ndiamu ya Toulouse, mu lumbu kia maku mole na sambanu, ma ngoonga ya mansukina ma muvu wa ba nzeenza, mu ntangu yi yeti sonama matsonoko mawu ma.

  Mu kati dia nzietolo, mbanzulu za yiza tu ntsaminika mu toma bakula kifuani kia ziingu kia beto baantu. Kio ziingu kieto ki lenda delakana na lunguba, buungu ti lunguba we na bibuula bi suekaka mbutu zaandi. Bibuula bio, ni mukaanda nitu na bihisi bi kue nati mela eto. Ha mantsuka ma ziingu, bibula bu bi bua, bi saala ni mbutu. Mu lunguba, ntangu za kaka, mbutu zoole zi baka mo, ntangu za kaka, tu lenda baka mbutu tatu...

  Mbutu zoole zina zi lenda ba kifuani kia ntsimu yi tu sisa mu nza (kue bo BENAZO-Mbanzulu), lubutu lua kaka, ni ki lunzi kieto ki kienda ku bimoko bia kuna bitsiinda. Kifuani kiawuki ni lunguba luo lua yela ki tama songesa; bungu ti mawa ma nguba mpila za ziingi mena: Nguba za makeza ze ko, zo zi lembo yelaka, nkululu awu ya sukina mu nzila.  Lunguba lua kaka, kimpo kua kia mpamba-mpamba, bu kela luo, ku kati kua muasi. Nguba za kaka za bola kua zi baaka...
  Lunguba luo lua tomo yela, bu kela luo, lenda dia mbutu zaandi, peleko lenda za luunda, ngatu wa vutu za kuna mu kina ki kuiza, pele ko, lenda za lunda mu mutsuungu, ngatu nzenza buana !

  Kifuani kia NGUBA ni bu ki tu longese ti: nkumbu andi ka yena ya nkatu ko, ndongosolo ye mo, mu ku tu zonzela ziingu kieto na mpila yi tu fueni kia natina, bu tue mu NZA. Ta dimbitila fioti: NGUBA, mpila mosi ti "Fueti Ba NGU". NGU ni lulendo luo lu wakanaka, nkiana mu nkumbu ya Ta-Ma MpuNGU. NGU biena bitezo bia Mvita. Bu ba ngu fueti zaba kue bangudi, mi kuiza mbazi ka tu zabi !  Tala ti tu lenda kue bakudi, zingu ni nki bio, beto bantu mu nkia mpila bifuani tua yilamana na luzingu lua tu luata, ko nga ni mu kinkatu tu kue diatidi. Bu tuena ku kidiba, kiangu tu kue yende muendo buuna. Ba bunta mpe ngana ba siisa: "Lunguba lua ntoonta ke luena nkondi ko". Ba kula wa zaaba ! Ngatu beele lungumba lua ntoota ?

   Nguba sansa zi sansaaka. Bionso bie mu luzingu lua lunguba salu biena, tuuka makaya maandi, na mbutu zaandi. Bu tu toma sungamana luzingu lua ngumba, mboko tu toma bukula bue tu fueni kue diatiti, na mbelolo zeeto, na ntsalulu zeto. We na ndunzi ka bakula. Matoondo kua maama BENAZO wu tu sisidi MBANZULU za nzangululu ! THAUKO.COM  Ntoto wa kimuuntu kua !