Muntu we na Ntongua pele ko mu Ntu mwe na Nto Ngua !

Muuntu wena  muuntu, bungu ntu we nandi, mboko ntu andi wena na ntongua. Ka ngana muuntu ni nani ?  Ntongua ni nsi bio ?

   Mbo tu ta ti muuntu ni fuani kio ka vanga, peleko ki yidika Ta-Ma Mpungu, ka fuani kio wa luika kio nitu peleko bihisi-musunia na nkanda. Mu kati dia binama bio bi ka kuezeka mu yandi, wa mu hana Ntongua. Ta-Ma Mpungu wa mu tuula mbungi yi tu lenda ta nkumbu mbuka yi belaka Ndunzi .
  Ntongua nkianeti mbungi mambumbu, ni mo mu dukila bisalu na mbanzulu za mpila na mpila. Ntongua za muuntu za mana fusa, mutu wu ningane, mu kati ka mu sidi na kani kiima ko. Ntongua nkianeti "Nto-Ngua"; mu kati dia nkumbu yo, biima biole tueti bakula: Nto na Ngua.
  Nto ni mbuka yo yi dikamaka mamba peleko mbuka yo yi wolomokaka maamba bia nkama kulu; ku beele siwu, ku beele luanga, ku beele ntombo ntete, ku beele ndoolo; maamba yuma pele, ni wolomoka kua ma wolomokaaka. Wa mana ta ti: "Nto Ngua", weka nkiana eti nge kua ta zonzesa nto ya ku wa; mpila mosi ti kue nto weti lomba ka ku teke kutu ka ku wa ! ha mbuka yawuyi, tu lenda bakula ti diambu ni diambu kua muuntu di ka zolo yidika, fueti toko lomba muswa kue Nto, ka mu wila (Nto ngua !) mu bungu ti ni yandi tuadisaka nitu ya yansoni ya muuntu. Ni yandi " namisaka binama", nkianeti bu tela wo taata NDUENGA, kinama bu ka tambula tiya tuo tu tukidi mu ntongua, ni ningana ki ningane, pele ko ni tambula ki tambundi. Ka, kinama mpe ni kio kia namatana mu nitu, bu ki katukila pele. Kia mana beela, nitu ya yansoni yi belele. kia mana koondo pele ko kia mana katuka, weka ki kata, bungu kinama ka kisidi mu lutumu lua tongua ko, ki fuidi, kieka kipfuma.
  Mu nto ni mo mue zingu, ni mu yandi mu tuuka bia bionso bio bi hama mu nza. Nto ni yandi mpe santsa maama ntoto dikila zingu kia kumbu dia bantu ba yonzamane mu nza ya mvimba... tala ti tu bakudi buyalumuka bua lulendo lua nto, buuna tu lenda zaba bisalu bie mu ntongua. Ntungua mpe zena nkiana kiyengolo ki keenza mbanzulu zeto, bungu mu ntongua mpe ni mo muyokelaka ntontolo za mpila na mpila.Ta mana safula nto, mamba mandi mbo tu mona mo ntonto. Mpila bifuani bi bia biansoni bi tu heni, ni mu zolo ta kua ebu ti: Nguilu za mbote mu ntongua zi tukaaka. Nsalulu za mbote mpe, mu ntongua zi tukaaka. Mbelololo za mbote mpe siku diandi mu ntongua diena. Ntongua tu fueni kue za yelele mu bunkete bua mbelololo.
  Ba na ku finga ti kuena na ntungua ko, fueni ku kiyula ngana nsi kua sidi bi lembolo mu lutumu lua Ndunzi za sungama. Tala ti mwendo buuna tu tama kue yende, mu bungu ti nguilu zeto ka za saala mu lutumu lua ndunzi ko zi tuadisaka ntongua. Ntele bo ndembolo kuani, Nzambi -Wa, bonga, sa ! (. THAUKO.COM, sadi kueno ! Lumbu kia kaka kua mu ndinga yi ya lulendo ya tu sisila kakulu beeto.